|
|
Nephrops norvegicus (Linnaeus, 1758)
Útbreiðsla humars er víðáttumikil allt frá norðanverðum Noregi, suður með ströndum Vestur-Evrópu og inn í Miðjarðarhaf til Grikklands. Við Ísland lifir humarinn einungis í hlýja sjónum við suðurströndina frá Hornafirði vestur um og inn í Faxaflóa. Humarinn finnst aðallega á 20-500 m dýpi, en dýpst hefur hann fundist á um 800 m dýpi vestur af Sikiley. Hér við land fæst hann á 110-300 m dýpi.
Humarinn vex í stökkum með skelskiptum, losar sig reglulega við skelina og myndar jafnframt nýja sem er stærri en sú fyrri. Eftir að kynþroska er náð vaxa karldýr mun hraðar en kvendýr þar eð kvendýrin geta ekki skipt um skel meðan þau bera eggin undir halanum milli hrygningar og klaks sem tekur 12 mánuði við Ísland. Algeng meðallengd karldýra er 14 cm utan útlima (u.þ.b. 8 ára) en kvendýra 11 cm. Stærstu karl- og kvendýr geta þó náð allt að 26 cm og 18 cm lengd.
Humarinn grefur sér göng sem ná 20-30 cm ofan í leirbotninn. Oftast eru tvö eða þrjú op á göngunum en stundum tengjast göng margra humra saman og mynda flókið gangnakerfi. Humarinn yfirgefur göngin þegar hann leitar sér fæðu en þó er talið að hann haldi sig mikið til á sömu slóðum allt sitt líf.
Fæða humarsins samanstendur af smávöxnum botndýrum af ýmsu tagi, burstaormum, krabbadýrum og skeljum, auk þess sem hann nýtir sér fiskúrkast frá fiskiskipum. Humar hefur fundist í maga margra fiska en er þó langmest étinn af þorski hérlendis.
|
Sótt á vef Hafrannsóknarstofnunar
D: dypvandshummer, jomfruhummer, gul hummer, N: Bokstavhummer, sjökrebs, jomfruhummer, trollhummer, Sæ: hafskräfta, kejsarhummer, Þ: Kaisergranat, Buchstabenhummer, Tiefseehummer, F: Langoustine, cacachouét arganelle, E: Dublin Bay prawn, Norway lobster, Beardog, Nephrops, Spæ: Cigala, maganto, escamarla, Port: Lagostim
Leturhumar
inverteb, Hryggleysingjar, sjá einnig nr. 1136 og 1238
íslenzka :
humar
latína :
Nephrops norvegicus
norska :
bokstavhummer, sjøkrebs
danska :
dypvandshummer
þýzka :
Kaisergranat, Tiefseehummer
franska :
langoustine
enska :
Dublin Bay prawn, Norway lobster
spænska :
cigala
portúgalska :
lagostim
rússneska :
/ Omr norvzhskij